Elektron ticarət müqaviləsi
Bu Elektron ticarət müqaviləsi (bundan sonra – Müqavilə) Azərbaycan Respublikasının Mülki Məcəlləsinin və elektron ticarət qaydalarına uyğun olaraq tərtib edilib və www.trendmebel.com saytının istifadəsi ilə bağlı Alıcı/Sifarişçi ilə Platforma, Dizayner və Satıcı/İstehsalçı arasında olan elektron qaydada malların/məhsulların sifariş verilməsi, satın alınması, dizaynın hazırlanması və s. ilə bağlı münasibətləri tənzimləyir.
Əsas anlayışlarBu Müqavilədə əksi nəzərdə tutulmayıbsa, aşağıdakı anlayışlar Müqavilənin əhatə dairəsində aşağıdakı mənaları ifadə edir:
Alıcı/Sifarişçi Mal və ya Xidmətdən qeyri-kommersiya və ya peşəkar məqsədlər üçün əldə edən, sifariş edən, istifadə edən və ya faydalanan şəxs (elektron ticarət iştirakçısı) Platforma www.trendmebel.com internet saytı və ya mobil tətbiqi
Satıcı/İstehsalçı Malları/məhsulları satan, istehsal edən (xidmətləri göstərən, işləri görən) şəxs (elektron ticarət iştirakçısı)
Dizayner Estetik, funksional, erqonomik və istehsala uyğun mebel və mebel məhsullarını layihələndirən mütəxəssisidir.
Escrow hesab Ödənişlərin və müqavilənin təhlükəsizliyi, eləcə də Tərəflərin maraqlarının qorunmasına yönələn Platformaya aid neytral təminat hesabıdır. Brif/Sifariş Alıcı/Sifarişçi tərəfindən Platforma üzərindən Dizaynerə göndərilən sifarişin detalları (Alıcının/Sifarişçinin adı, soyadı, əlaqə məlumatları, sifariş verəcəyi malın/məhsulun təsviri, ölçüsü, rəngi, materialı, aksesuarı, fotoşəkili, qiyməti, dizaynı, layihəsi, eskizi, çertyoju, texniki parametrləri və s.) 1. Müqavilənin predmeti
1.1. Müqaviləyə əsasən Alıcı/Sifarişçi Platforma üzərindən onlayn qaydada istəyinə uyğun malı/məhsulu sifariş edir, təyin olunmuş Dizayner isə malın/məhsulun fərdi parametrlərini (ölçü, rəng, material, eskiz və s.) razılaşdırır, Satıcı/İstehsalçı isə razılaşdırılmış dizayn və parametrlərə uyğun olaraq malı/məhsulu hazırlayıb Alıcıya/Sifarişçiyə təhvil verməyi öhdəsinə götürür.Alıcı/Sifarişçi bu Müqavilənin 4-cü bəndinin tələbləri üzrə ödənişləri həyata keçirir.
2. Platformadan (www.trendmebel.com) istifadə qaydaları2.1. Platformadan istifadə və qeydiyyat könüllüdür. Alıcı/Sifarişçi Azərbaycan Respublikasının Mülki Məcəlləsinin, “İstehlakçıların hüquqlarının müdafiəsi haqqında” Qanunun, “Elektron ticarət haqqında” Qanunun, “Müəlliflik hüququ və əlaqəli hüquqlar haqqında” Qanunun, digər qanunvericilik aktlarının və o cümlədən hazırkı Müqavilənin tələblərinə əməl etməli və əməl etmədiyi halda məsuliyyət daşıyacaqdır.2.2.Alıcı/Sifarişçi Platformadan istifadə etməklə mülki dövriyyəsi qanunvericiliklə məhdudlaşmayan və qadağan edilməyən mallar/məhsullar əldə edə bilər.2.3. Alıcı/Sifarişçi tərəfindən Platformada intellektual mülkiyyət hüququnu pozan, böhtan, hədə-qorxu, cəmiyyətə və dövlətə qarşı açıq çağırışlara sövq edən, təhqiramiz, nalayiq, təhrikçi, pornoqrafik xarakter daşıyan, şəxslərin şərəf və ləyaqətinə, işgüzar nüfuzuna xələl yetirən məlumat və materialların yerləşdirilməsi və ya verilməsi qəti qadağandır. Bu kimi neqativ hallar baş verərsə, Platforma tərəfindən dərhal hüquq-mühafizə orqanlarına məlumat veriləcəkdir. 2.4. Bu Platformadan istifadə ilə əlaqədar yaranan, eləcə də bu Müqavilədə tənzimlənməyən münasibətlərə Azərbaycan Respublikasının qanunvericiliyi tətbiq olunur. 3. Dizayn razılaşdıırılması və sifarişin təsdiqi
3.1. Alıcı/Sifarişçi Platforma üzərindən Dizaynerə təsdiq etdiyi brifi/sifarişi göndərir.3.2. Dizayner tərəfindən göndərilən brif/sifariş nəzərdən keçirilir və dizayn üçün qiymət verilir.3.3. Dizayner tərəfindən hazırlanan yekun eskiz, material siyahısı və texniki tapşırıq (bundan sonra -- Dizayn) Alıcıya/Sifarişçiyə Platforma vasitəsilə təqdim olunur.3.4. Dizayn Alıcı/Sifarişçi tərəfindən təsdiq edildikdən (onlayn akspet) sonra rəsmi olaraq istehsala/hazırlanmaya qəbul edilmiş sayılır. 4. Ödəniş şərtləri4.1.Ödənişlərin təhlükəsizliyi və tərəflərin maraqlarının qorunması məqsədilə ödəniş Escrow hesabı vasitəsilə həyata keçirilir.
4.2. Dizayn üzrə ödənişlər və qaydası:4.2.1. Alıcı/Sifarişçi brif göndərdikdən sonra Dizaynerə ödəniləcək ümumi məbləğin 50%-ni (......AZN) Platformanın neytral Escrow hesabına ödəyir.4.2.2. Dizayn Alıcı/Sifarişçi tərəfindən təsdiq edilənədək (onlayn aksept) qeyd edilən vəsait Platformanın neytral Escrow hesabında saxlanılır və Dizaynerin hesabına köçürülmür. 4.2.3. Alıcı/Sifarişçi Dizaynı təsdiq etdikdən (onlayn aksept) sonra Dizaynerə ödəniləcək ümumi məbləğin qalıq 50%-ni də Platformanın neytral Escrow hesabına ödəyir.4.2.4. Dizayn Alıcı/Sifarişçi tərəfindən təsdiq edildikdən (onlayn akspet) sonra rəsmi olaraq istehsala/hazırlanmaya qəbul edilmiş sayıldığı andan Platforma Escrow hesabında saxladığı vəsaiti Dizaynerin hesabına köçürür.
4.3. Malın/məhsulun istehsalı/hazırlanması ilə bağlı ödənişlər və qaydası:4.3.1.Dizayn təsdiqləndikdən sonra Satıcı/İstehsalçı tərəfindən Alıcıya/Sifarişçiyə malın/məhsulun istehsal qiyməti təqdim edilir.4.3.2. Malın/məhsulun istehsal qiyməti Alıcı/Sifarişçi tərəfindən təsdiq edildikdən (onlayn aksept) sonra Alıcı/Sifarişçi Satıcıya/İstehsalçıya ödənilən ümumi məbləğin 50%-ni Platformanın neytral Escrow hesabına ödəyir.4.3.3.İstehsal edilən mal/məhsul Alıcıya/Sifarişçiyə təhvil verilənədək qeyd edilən vəsait Platformanın neytral Escrow hesabında saxlanılır və Satıcının/İstehsalçının hesabına köçürülmür. 4.3.4. Satıcı/İstehsalçı malı/məhsulu istehsal edərək Alıcıya/Sifarişçiyə təhvil verdikdən sonra Alıcı/Sifarişçi məbləğin qalan 50%-ni (......AZN) Platformanın neytral Escrow hesabına ödəyir.4.3.5. Mal/Məhsul Alıcıya/Sifarişçiyə təhvil aktı ilə təhvil verildikdən sonra Platforma Escrow hesabında saxladığı vəsaiti Satıcının/İstehsalçının hesabına köçürür.
5. Tərəflərin hüquq və öhdəlikləri
5.1. Platformanın hüquq və öhdəlikləri:5.1.1. Alıcı/Sifarişçi tərəfindən ödənilən vəsaiti Escrow hesabında saxlayır;5.1.2. Dizayn təsdiq edildikdən sonra Escrow hesabda olan vəsaiti Dizaynerin hesabına köçürür;5.1.3. Mal/Məhsul Alıcıya/Sifarişçiyə təhvil verildikdən sonra Escrow hesabda olan vəsaiti Satıcının/İstehsalçının hesabına köçürür.
5.2. Alıcının/Sifarişçinin hüquq və öhdəlikləri:5.2.1. Brif göndərərkən Malın/məhsulun parametrləri barədə dəqiq və dürüst məlumat verir;5.2.2. Müqavilədə göstərilən müddətdə 50% ilkin və qalan 50% ödənişi Platformanın neytral Escrow hesabına ödəyir;5.2.3. Malı/məhsulu təhvil alır və bu barədə Platformada təsdiq verə bilər.
5.3. Dizaynerin hüquq və öhdəlikləri:5.3.1. Alıcı/Sifarişçi ilə razılaşdırılmış brifə uyğun olaraq malın/məhsulun dizaynını hazırlayır;5.3.2. Hazırlanmış dizaynı Alıcıya/Sifarişçiyə göndərir və Alıcı/Sifarişçi ilə razılaşdırır;5.3.3. Alıcının/Sifarişçinin razılığı olmadan təsdiq edilmiş dizaynda hər hansı dəyişiklik etmir;5.3.4. Malın/məhsulun dizaynını brifə/sifarişə uyğun olaraq hazırlayıb təhvil verir;5.3.5. Dizayn Alıcı/Sifarişçi tərəfindən təsdiq edildikdən sonra Platformanın neytral Escrow hesabından vəsaiti almaq hüququ yaranır.
5.4. Satıcının/İstehsalçının hüquq və öhdəlikləri:5.4.1. Malı/Məhsulu təsdiq edilmiş dizayna uyğun olaraq hazırlayır;5.4.2. Malı/Məhsulu razılaşdırılmış müddət ərzində təhvil verir;5.4.3. İstehsal qüsurlu malı/məhsulu öz vəsaiti hesabına ağlabatan müddətə aradan qaldırır;5.4.4. Malı/Məhsulu lazımi keyfiyyətdə və qaydada istehsal edərək Alıcıya/Sifarişçiyə təhvil verdikdən sonra Platformanın neytral Escrow hesabından vəsaiti almaq hüququ yaranır. 6. Sifarişdən imtina və mübahisələrin həlli6.1 Dizayn təsdiqləndikdən və ya malın/məhsulun istehsalına başlandıqdan sonra Alıcı/Sifarişçi öz təşəbbüsü ilə sifarişdən (brifdən) imtina edərsə Dizaynerin və ya Satıcının/İstehsalçının çəkdiyi material və işçilik xərclərinin qarşılanması üçün Platformanın neytral Escrow hesabında saxlanılan vəsait Alıcıya/Sifarişçiyə geri ödənilmir.6.2. Əgər hazırlanmış mal/məhsul dizayna, parametrlərə və keyfiyyət standartlarına aşkar şəkildə uyğun gəlməzsə və yaranmış qüsuru aradan qaldırmaq mümkün deyilsə, Alıcı/Sifarişçi maldan/məhsuldan imtina edə bilər. Bu halda Escrow hesabda saxlanılan vəsait Alıcıya/Sifarişçiyə geri qaytarılır.6.3. Mübahisələr yarandığı halda Tərəflər danışıqlar yolu ilə həll etməyi öhdəsinə götürürlər. Mübahisələr danışıqlar yolu ilə həll edilmədiyi təqdirdə məsələnin həlinin baxılması üçün müvafiq olaraq Azərbaycan Respublikasının aidiyyəti məhkəmələrinə müraciət olunur.
7. Fors-major7.1. Hazırki Müqavilə üzrə öhdəliklərini yerinə yetirməyən və lazımınca yerinə yetirməyən Tərəf, öhdəliyin yerinə yetirməməsini fors-major hallarının, yəni konkret vaxt hüdudunda meydana gələn qarşısı alınmaz fövqəladə halların səbəbindən baş verməsini sübut etdiyi halda, heç bir məsuliyyət daşımır. Qarşısı alınmaz hallar aşağıdakılardır: təbii fəlakətlər (zəlzələ, daşqın, vulkan püskürməsi, torpaq sürüşməsi, sunami, epidemiya, dövlət orqanlarının məhdudlaşdırıcı qərarları və s.). Müqavilə üzrə öhdəliklərin icra edilmə yerində insan üçün normal həyat fəaliyyəti istisna edən küləyin gücü, hərarəti və çöküntülərin dərəcəsi; icra hakimyyəti orqanlarının moratoriumları və Tərəflərin icra olunmalı öhdəliklər üçün fövqaladə hal kimi müəyyən edə bildikləri digər hallar.7.2. Fors-major hallarının təsiri altına düşən Tərəf bu barədə digər Tərəfi belə halların başlandığı andan 10 (on) iş günü müddətindən gec olmayaraq xəbərdar etməlidir. Digər tərəfi vaxtında xəbərdar etməmə halı fors-major halına əsaslanma hüququ vermir.
8. Yekun ümumi müddəalar8.1. Tərəflər bu Müqavilə üzrə əldə olunan fərdi və kommersiya məlumatlarının məxfiliyini qorumağı öhdələrinə götürürlər.8.2. Dizayner tərəfindən fərdi hazırlanan dizayn eskizlərinin müəlliflik hüququ Tərəflərin razılığı ilə tənzimlənir.8.3. Alıcı/Sifarişçi təsdiqləyir ki, hazırkı Müqavilənin bütün bəndləri və şərtləri ilə tanış olmuşdur və onları tam həcmdə qəbul edir.
